Nalika kula kelas 4 SD, kula lan rencang kula dipundhawui makilake SDN
Pakisputih 02 kangge nderek lomba Kaligrafi sekecamatan. Rencang kula asmane
Andi. Nanging lomba iku dianakake wektu kula kelas 5. Wektu kelas 4 SD,
kecamatan nganakake latihan khusus Kaligrafi kangge lomba kelas 5. Kula lan
rencang kula latihan ndamel Kaligrafi ing SDN Kedungwuni 05. Wektu latihan
ndamel Kaligrafi diwiwiti saking jam 10.00-13.00 WIB. Wektu ndamel Kaligrafi
angel banget. Wusananipun kula latihan terus kula dados saget ndamel Kaligrafi.
Banjur kula munggah kelas 5, lombanipun arep dianakake. Wektu lomba dianakake
ing SDN Kedungwuni 05. Wektu lomba Kaligrafi, peserta diparingi wektu 2 jam
kangge ndamel Kaligrafi. Wusananipun kula saget ngrampungake . Pirang-pirang
dina pengumuman juara diumumake Guru PAI kula. Kula entuk juara IX lan Andi
entuk juara V sekecamatan. Manah kula bungah, kula dados entuk pengalaman
ndamel Kaligrafi.
Banjur setaun, kula lan Andi munggah kelas 6. Kecamatan nganakake lomba
Kaligrafi maneh, kula lan andi makilake sekolahan maneh. Banjur pirang-pirang
dina lomba dianakake. Lomba dianakake ing SDN Kedungwuni 01. Peserta diparingi
wektu 2 jam kangge ndamel Kaligrafi. “Alhamdulillah”, wektu kula cekap kangge
ndamel Kaligrafi. Pengumuman juara diumumake, kula entuk juara 1 lan Andi entuk
juara 1 sekecamatan. Dadosipun kula lan Andi nderek lomba maneh ing tingkat
Kabupaten. Kangge persiapan lomba Kaligrafi, peserta dipundhawui ndamel conto
Kaligrafi kangge nyonto wektu lombanipun. Kula lan Andi ndamel conto Kaligrafi
ing griya Guru PAI kula.
Banjur pirang-pirang dina, lomba Kaligrafi tingkat Kabupaten arep
dianakake. Lomba dianakake ing SDN Wonopringgo 01. Peserta dipundhawui ndamel
Kaligrafi lan Al-Khot. Peserta diparingi wektu 4 jam. Kula ndamel iku
wektunipun mboten cekap. Sawise lomba, peserta dipundhawui ngaso lan sawise
wangsul. Pirang-pirang dina pengumuman juara diumumake ing sekolahan, wektu
upacara Bendera Merah Putih. Kula entuk juara III lan Andi entuk juara IV
sekabupaten. Kula diparingi saking Kabupaten tropi, piagam lan arta. Manah kula
bungah banget. Kula bisa njunjungake asma SDN Pakisputih 02. Keluwarga kula
pada bungah kaleh kula. Gawean conto Kaligrafi kula lan Andi dipajang ing
sekolahan. Kaligrafi iku saget dados kenang-kenangan lomba kula lan Andi
biyen.
